KATIKA HILI WATANZANIA TUMEMSAHAU GADDAFI!!

  Inaelekea waTanzania wengi wamesahau historia kati ya Libya na Tanzania. Marehemu Gaddafi alikuwa rafiki yake mpenzi nduli mshenzi Dikteta Idi Amin Dada wa Uganda!  Gaddafi alitaka Amin amwoe binti yake! Gaddafi alituma wanajeshi kutoka Libya kuwasaidia Uganda katika vita vya Kagera mwaka 1978-79.  Sisi wazee tunaikumbuka hio vita na miezi kumi na nane (miaka 18) ya shida iliyofuata!  Maoni chini yameandikwa na mwanachama la kundi - Wanabidii

Kanali Gaddafi alipotembelea Uganda mwaka 1978

...Wanabidii!


   Binafsi nachukia sana kuandika bila ya ushahidi! Na zaidi sipendi kuandika "propaganda" na taarifa za uzushi; isipokuwa napenda kuandika taarifa zilizotafitiwa kwa kuandikwa na mtafiti mwenyewe (na au mwandishi aliyeandika matokeo ya utafiti au kufanya upembuzi wa utafiti husika). Takriban wiki moja sasa (tangu Alkhamis ya tarehe 20 Oktoba, 2011) uwanja wa "Wanabidii" na majukwaa mengine ya kijamii yamekuwa yakijadili "Kuuawa kwa Kanali Muammar Gaddafi" kulikofanywa na wale wanaoitwa waasi (wa NTC) wakisaidiwa na NATO wakiongozwa na Uingereza, Marekani, Ufaranza na washirika pamoja na Waarabu (Saudia na Qatar). Gaddafi ameuawa; kwa jinsi gani, kila mmoja amesoma, ameona (kwenye picha za mndato) na au kwenye picha za video!

   Ninachotaka kuandika na pengine kuanzisha "mjadala" wa kiakili ni juu ya "GADDAFI KUMSAIDIA IDI AMIN DADA KWENYE VITA VYA KAGERA [UGANDA DHIDI YA TANZANIA MWAKA 1978 HADI 1979]". Napenda niweke wazi kwamba, "historia haisomwi ili kufufua 'chuki' bali husomwa kujua yaliyopita, kuyasanifu yaliyopo na kupanga mipango kwa yajayo!". Hivi ndivyo tunavyosoma historia iwe yenye kuhuzunisha au kufurahisha! Tanzania ilipigana vita na Uganda, vita iliyoitwa VITA YA KAGERA (japokuwa ilipiganwa hata ndani ya Uganda na Idi Amini Dada kufurushwa na kuikimbia Uganda!).

Kwa ujumla, tangu pale kifo cha Muammar Gaddafi kilipotangazwa kwa mara ya kwanza na kituo cha runinga cha Al-Jazeera na kukaririwa na vituo vingine na mashirika ya habari ya kimataifa kama BBC, CNN, Reuters, Xinhua, AFP, AP na IRNA (Press Tv) kumekuwa na mkanganyiko wa "mawazo" kwa wananchi wa Tanzania juu ya "hali" ya Gaddafi kisiasa katika mtazamo wa kifalsafa...hususan wengi wa wachangiaji kwenye mijadala hiyo wanamuona Muammar Gaddafi kama "shujaa" na "mwanamapinduzi" na "kiongozi mtukuka" na "aliyejitolea kuunganisha Afrika" na hata wengine kufikia kiasi cha kuonyesha kwamba hajawahi kutokea kama Muammar Gaddafi na hata kumpa "daraja" ya kuwa "Baba wa Afrika" na mshumaa uliyozimika! Hata hivyo wengi wamesahau kwamba ni Muammar Gaddafi ndiye aliyemsaidia Idi Amin Dada kwenye Vita vya Kagera! Naomba sasa tuangalie nini alifanya Gaddafi wakati wa vita vile.

Vita vinahitaji rasilimali watu (askari na wataalamu wa kijeshi), fedha za kuendeshea vita na zana (za kivita na za mawasiliano ya kivita). Kwa mujibu wa taarifa rasmi na zinazothibitishwa na taarifa rasmi za kihistoria Muammar Gadafi alimpa Idi Amin Dada usaidizi ufuatao:

HOTUBA YA MBUNGE WA MONDULI, EDWARD LOWASSA KWA WAANDISHI WA HABARI OKTOBA 19, 2011

Ifuatayo ni hotuba ya waziri mkuu mstaafu amabaye pia ni mbunge wa Monduli muheshimiwa Edward Lowassa aliyoitoa mapema leo nyumbani kwake Monduli Arusha, wakati akizungumza katika mkutano na waandishi wa habari…….

    NDUGU wana habari nimewaita katika mkutano huu leo kwa sababu moja kubwa, kutoa ufafanuzi kuhusu matukio ambayo yamekuwa yakitokea huku yakinihusisha mimi binafsi kwa namna ambayo sasa yanatishia ustawi na mshikamano wa kimaadili, kihistoria na kikazi miongoni mwa viongozi na baina ya wanachama wa Chama Cha Mapinduzi (CCM).

    Ndugu wana habari, naamini mmekuwa mkifuatilia kwa karibu habari zinazoripotiwa katika baadhi ya vyombo vya habari zinazolihusisha jina langu na harakati kadha wa kadha chafu ambazo hata mimi mwenyewe ninayehusishwa nazo huwa nazisikia na kuzijua baada ya kuwa zimesharipotiwa katika vyombo hivyo vya habari.

  Uamuzi wangu wa kukutana nanyi leo hauna makusudi ya kuzozana na vyombo vya habari wala kwenda kinyume na utamaduni wa kimaadili wa ndani ya chama changu unaotutaka viongozi kujadili masuala yanayokihusu chama chetu ndani ya vikao vyetu rasmi vya kimaamuzi bali kutoa ufafanuzina angalizo kwa pande zote hizo mbili ambazo zinaguswa na matukio yanayoendelea kutokea leo hii.

  Moja ya mambo ambayo yameligusa jina langu kwa namna hiyo ni lile linalonihusisha eti na kundi moja la wanasiasa ambao wamekuwa na mikakati ya kumhujumu mwenyekiti wetu wa chama, Mheshimiwa Rais Jakaya Kikwete. Hakuna shaka ni madai ya kipuuzi, kizushi na yenye malengo machafu.

  Hawakuishia hapo sasa wamefikia hatua ya kuvitumia vyombo hivyo hivyo vya habari na kufikia hatua ya kudai kwamba nimeanza kuandaa orodha ya kile wanachokiita madhambi ya Rais Kikwete ambayo wanadai nimepanga kuyasoma wakati wa kikao kijacho cha Halmashauri Kuu ya Taifa ya CCM (CCM).

  Ninaamini kwa dhati kabisa kwamba, waandishi wa habari wanaofuatilia kwa karibu na kwa umakini mwenendo wa masuala ya kisiasa nchini wanatambua kwamba, watu wanaopenyeza taarifa hizi katika vyombo vya habari wanafanya hivyo kwa malengo ya kufikirika ya kujisafishia njia kisiasa.

  Ni jambo lisiloingia akilini kunihusisha na kile kinachoitwa mikakati ya kumhujumu rais 

Our time to say Goodbye

    Jana was happy, great and unforgettable day to all Jitegemee form four students because they were saying kwaheri (graduating) kwa walimu na wanafunzi wenzao  walioishi nao kwa miaka minne hapo shuleni kwao.

Baadhi ya wanafuzi wakiwa katika pozi

Mdau Edo (kushoto) ni mmoja wa wahitimu

Wote walikuwa na furaha huku wakionesha  hamu ya kuingia kidato cha tano.

Poziiiiii!!

     Sherehe hiyo ilifanyika shule hapo maeneo ya Kurasini kilwa road,kulikuwa na burudani zilizotolewa na wanafunzi wenyewe na vituko kama kawaida havikukosekana.

Mshikaji akihuzunika kwa kumaliza chakula chake!!

Big aking'ang'ana na kipapatio cha kuku!!

  Wanafunzi wote wamefurahia kuhitimu elimu ya sekondari na wanaomba uzima na nguvu ilikufika tarehe 3 october na waweze kufanya mitihani yao salama. Pia wameshukuru kwa sherehe hiyo kufanyika kabla ya mitihani kwasababu itawasaidia kupunguza stress na hofu ya mtihani.

May GOD BE WITH YOU ALL FORM FOUR STUDENTS & ALL THE BEST KATIKA MITIHANI YENU HAPO TAREHE 3.

MAOMBOLEZO TANZANIA

Kufuatia msiba ulioikumba Tanzania kutokana na ajali ya boti ya MV Spice Islander iliyotokea katika eneo la Nungwi katikati ya bahari ya Hindi, Serikali  imetangaza siku tatu za maombolezo kuanzia leo tarehe 11,hivyo bendera itapepea nusu mlingoti kuashiria maombolezo hayo. Halikadhalika serikali imeridhia kuzika miili ya maiti zote ambazo hazitatambulika. Kutokana na ajali hiyo,imethibitika  takribani watu 192 na wengine zaidi ya 600 wameokolewa.  Taarifa za awali zinaonesha chanzo cha ajali hiyo kuwa ni kubeba  abiria na mizigo  mingi zaidi ya uwezo wake. Kwa upande wao jeshi la Polisi nchi limeunda  za uokoaji wa majeruhi na kuchunguza  chanzo cha ajali hiyo.

Viongozi wa Serikali ya Mapinduzi Zanzibar wakitoa heshima kwa marehemu.

Rais Kikwete akiangalia miili ya vichanga waliofariki katika ajali hiyo.

Miili ya marehemu ikisuburi kutambuliwa na ndugu zao

Hii ni ajali kubwa ya kwanza kutokea katika mwambao wa Zanzibar. Modreamz inatoa pole kwa wote walioguswa na msiba huu MUNGU AZILAZE  ROHO ZA MAREHEMU MAHALI PEMA PEPONI.

                                                                                                                         pic from jikumbuke blog

Salha Israel,the new Miss Tanzania 2011.

   Shindano la Vodacom Miss Tanzania limemalizika kwa Salha Israel kuibuka mshindi na kutwaa taji hilo kwa mwaka 2011.Washindi wengine ni Tracy Sospeter kutoka Shinyanga aliyeshika nafasi ya pili na Alexia William kutoka Kinondoni aliyepata nafasi ya tatu.

Miss Tanzania 2011 Salha Israel (katikati) akiwa na washindi wengine Tracy Sospeter (kulia) na Alexia William (kushoto)

Kufuatia ushindi huo Salha ataiwakilisha Tanzania katika shindano la urembo duniani ( Miss World 2011).All THE BEST n TAKE CARE COZ EVERY EYES ARE ON YOU.

Salha Israel Miss Tanzania 2011 akivishwa taji lake

You are beautiful in your color!!

Nikiwa katika mihangaiko ya kazi nikaenda kwenye ofisi moja maeneo ya Ubungo. Nilipokelewa na mama mmoja (mlinzi) wakati ananipa utaratibu nilikuwa na mshangaa kwa masikitiko kwa jinsi alivyoharibika uso wake (kaungua na kuweka ukungu mweusi). Kwa nyakati hizi imekuwa kawaida kukutana na watu wa aina hii wengine utawakuta ni weupe kupitiliza, wengine wekundu, wengine wamebabuka yaani balaa tupu! sio tu akina dada bali hata akina kaka nao wamejiingiza katika matumizi ya Creams.

Moja ya wanawake walioharibika kutokana na matumizi ya vipodozi pic by modernghana

      Creams ninazozitahaja hapa ni lightening (bleaching) creams ambazo zime-contain mercury and hydroquinone, alpha hydroxyl acids, Arsenic,na nyinginezo nyingi.Kutokana na utafiti wa Dr S Allen Counter 2003 ilionekana kuwa sumu ya mercury (zebaki) imekutwa kwenye miili ya watu wengi wao wakiwa wanawake. Nchi zilizooneka kuwa vinara katika hili ni Mexico,Saudi Arabia, Senegal,Tanzania na nchi nyingine za Afrika magharibi. Sababu kubwa unayowafanya watu kuji-cream (kujichubua) ni kwa ajili kwa kutaka kuonekana warembo. Lakini hii ni kasumba mbaya kwani kuwa mrembo au kuonekana unapendeza ni lazima uwe mweupe? HAPANA tena tafiti zinaonyesha kuwa most beautiful and attractive women in the world are actually black women! Angalia akina Naomi Campbell, Halle Berry, Tyra Banks,Miriam Odemba, Nancy Sumari na wengine wengi. Kibaya zaidi tunaambiwa “Beauty is more than skin deep” . Athari kubwa zimekuwa zikionekana sana huku kwetu Afrika kwa sababu vipodozi hivi vingi haviko favorable na mazingira yetu kwani watngenezaji wanashauri watumiaji wasiwe wanakaa jua au watumie sunblock masharti haya wengi wa akina dada zetu yamewashinda!! Hivyo kujikuta wanababuka ngozi zao,  athari nyingine ambazo zinazowatokea ni kuzeeka kwa ngozi kutokana na mikunjo hivyo kumfanya kijana anaonekane mzee, kupata cancer hali kadhalika kifo chaweza kutokea kwa wale wanaofanya  plastic surgery.

Nancy Sumari one of the black beautiful girl

  Licha ya vipodozi hivi kupigwa marufuku katika nchi mbalimbali lakin bado vimekuwa vikiuzwa  kinyemela.Imeshauriwa kuwa watumiaji waepuke vipodozi vyenye chemical hizo au watumie vipodozi vya asili (HERBAL) ambavyo vinaweza kulinda urembo wao.

Jikubali ulivyo because you are beautiful in your natural color.

VOTE FOR Mt KILIMANJARO

   Ukiwa kama mdau wa unahimizwa kuuwezesha mlima Kilimanjaro kushinda na kuwa moja ya maajabu ya dunia. Hii ni kupitia shindano la new 7 world wonders linaloendeshwa hivi sasa. Mlima Kilimanjaro una mita 5895 kutoka usawa wa bahari  (5895 from the sea level)  una vigezo vyote vya kuingia katika  new world wonders, kwanza   kabisa ni mlima mrefu kuliko yote barani Africa, pia una vilele viwili ambavyo ni Kibo na Mawenzi zaidi ni kwamba, inastaajabisha kwa mlima kama huu (Volcanic mountain)  kuweko katika ukanda wenye hali ya hewa ya Kitropiki.

 Kuupigia kura ni rahisi tembelea www.new7wonders.com au bofya  hapahttp://www.new7wonders.com/vote-2?lang=en

      Lets unite & enable mount Kilimanjaro to be the new world wonder.

SIRI YA MGAO WA UMEME NCHINI HII HAPA

   Kwa  muda mrefu sasa hapa Tanzania tunakabiliwa  na tatizo la mgao wa umeme bila kujua chanzo chake ni nini wala mwisho wake ni lini. Kama mmoja wa waathirika wa tatizo hili,wakati nikitafakari kuhusu tatizo hili, kwa kuona uzito wake, nikasema sio  bure  labda nchi yetu na shirika la umeme TANESCO  wamelogwa!!nikaona HAPANA kwa waganga tulionao hapa nchini ufumbuzi  ungekuwa umeshapatikana mapema. Ghafla nikapata jibu kwamba shirika la TANESCO limelaaniwa! ndiyo limelaaniwa. Sasa laana hii imetoka wapi? Nikakumbuka  ule mgogoro wa TANESCO na Askofu Zachary  Kakobe kuhusu kupitisha kanisani kwake nguzo za umeme zenye kilovoti 132 uliojitokeza mwanzo mwa mwaka 2010, Askofu Kakobe pamoja na wamumini wake walikesha na kufunga  kwa maombi ili nguzo za Tanesco zisipite kanisani kwako  lakini Tanesco walitumia nguvu ya serikali wakapitisha nguzo, Kakobe hakuridhia uamuzi ule na aliahidi kuuendelea na maombi  ili  kuwaaibisha TANESCO na aliongeza kuwa kwamwe hawataweza (TANESCO) kushindana na Mungu, (baba wa sayansi zote). Mungu hawezi kupuuzia sala na maombi ya wale Vikongwe waumini na Kakobe waliokesha usiku na mchana kulinda kanisa lao ili TANESCO wasipitishe nguzo. HAKIKA SASA MAOMBI NA SALA ZA MTUMISHI WA MUNGU KAKOBE zimesikika MBINGUNI, TANESCO imeshindwa kabisa kutatua tatizo la umeme nchini.

Askofu Kakobe wakati wa mgogoro wake na TANESCO mwaka jana

      Kudhihirisha hilo kuwa laana hii yatoka kwa MUNGU kama alivyosemwa katika maandiko “nitakulaani wewe na vizazi vyako vyote” ni kweli sasa imekuwa sio kwa TANESCO tu, bali laana hii imeenea kwa wizara yote ya nishati na madini. Angalia mgogoro wa ukosefu wa mafuta nchini uliojitokeza hivi karibuni, kutoelewana kwa wamiliki wa vituo vya mafuta na EWURA, kusimamishwa kazi kwa katibu mkuu wa wizara ya nishati na madini  Bw Davis Jairo na hata kupingwa kwa bajeti ya wizara kutokana na tatizo la umeme. Yote haya yanadhihirisha kwa kizazi chote cha wizara ya nishati na madini vimekumbwa na laana hii. 

Tatizo la mafuta lilivyojitokeza hivi karibuni.

     Ili kuondokana na haya yote, TANESCO wamrudie Kakobe na  awaongoze kwa sala ya toba. Kama walivyofanya kipindi kile cha mgogoro, Waziri Ngeleja na serikali kwa ujumla itawalazimu tena wamrudie mtumishi wa Mungu Askofu Kakobe ilikupata baraka zake, la sivyo tatizo la umeme litaendelea licha ya serikali kuonyesha nia ya dhati ya kutatua tatizo hili.

Askofu Kakobe na Waziri Ngeleja wakati wa  mgogoro kuhusu  wa uwekaji nguzo.

TCU YATOA TAMKO KWA FORM SIX LEAVERS.

  Tume ya Vyuo Vikuu Tanzania (TCU) imewataka wanafunzi waliotuma maombi ya kujiunga na vyuo vikuu kupitia tume hiyo kuwa na uvumilivu kwani majibu yatatoka hivi karibuni.

   Kauli hiyo ilitolewa jana na Afisa Uhusiano wa TCU, Edward Mkaku, alipozunguumza na gazeti la NPASHE ofisini kwake jijini Dar es Salaam kutoa ufafanuzi kuhusiana na malalamiko ya wanafunzi walioomba nafasi ya kujiunga na vyuo vya elimu ya juu kwamba tume imechelewa kutangaza majina.

   Mkaku alisema kwa kawaida matokeo ya waliochanguliwa kujiunga na vyuo vikuu nchini hutolewa mwishoni mwa Julai. Hata hivyo, alisema mwaka huu majina yamechelewa kutangazwa kwa kuwa Seneti za vyuo zimechelewa kufanya vikao kwa ajili ya kupitia na kuhakiki majina na sifa za walioomba.

   Alisema kazi ya TCU ni kuratibu na inapomaliza humuita Afisa Msajili wa kila chuo kwenda kuangalia kama wanafunzi waliochanguliwa wana vigezo vya kujiunga na chuo husika kwa kuwa kila chuo kina kuwa na vigezo vyake. Baada ya kila Afisa Msajili kuhakiki vigezo vya waliochanguliwa, huenda kukaa na Baraza la Seneti la kila chuo kuhakiki tena vigezo hivyo na baada ya hapo majibu yanarudishwa TCU.

  Akasema TCU ilikutana jana na wakati wowote itatoa majibu ya waliochanguliwa kujiunga na vyuo vikuu.

Alisema TCU ina mawasiliano ya vyuo hivyo ambavyo ni taasisi huru.

from,wavuti.com 

HII NDIYO AFRIKA YETU.

    Naamini bara la Afrika ni moja ya sehemu iliyobarikiwa sio tu kwa rasilimali zilizopo bali pia kuwa na watu wenye nguvu kuliko sehemu nyingine duniani. Lakini cha ajabu ndio sehemu inayoongoza  kwa matatizo kama vita (vurugu),ufukara,ufisadi,njaa na ukame kuliko sehemu  yoyote.Sijui tatizo letu ni nini??. Wapo wanaosema eti WAAFRIKA TUMELAANIWA!! Mimi siamini kwamba tumelaaniwa kwani Mungu hawezi kuwa katili na muonevu kwa Waafrika kiasi hicho,tatizo lipo sehemu limejificha,kuzungumzia LAANA ni uvivu wa kufikiri  na uwoga wa kuumiza kichwa katika ufumbuzi wa matatizo yanayotukabili.

    Kwa upande mwingine inaniingia akilini kwamba yaweza kuwa laana,tena iliyotoka kwa shetani, hii inatokana na matendo yatunayofanya waafrika. Mfano mzuri ni hali inayoendelea huko pembezoni mwa afrika katika nchi ya Somalia,kwa muda wa miezi mine sasa imekumbwa na ukame na njaa illiyosabisha njaa kali kwa wananchi na mifugo yao. Hali hii imesababisha vifo vya mamia ya watu hasa watoto na wengine maelfu kukimbilia nchi za Kenya na Ethiopia kama wakimbizi.

Baadhi ya wakazi wa Somalia waliokimbilia Kenya

   

 Kutokana na hali hii mashirika ya kibinadamu kama Save the children wamekuwa wakitoa huduma mbalimbali kwa wakimbizi kwa wananchi wa Somalia na wamekuwa wakitoa taarifa kuwa hali inazidi kuwa mbaya kadiri siku zinavyosonga mbele. Cha kusikitisha zaidi ni kwamba wafanyakazi wa shirika hili wamekuwa wakivamiwa na waasi hivyo kukwamisha zoezi la utoaji wa misaada. Hata baada ya umoja wa maataifa kupitia shirika la kuhudumia wakimbizi UNHCR na mradi wa chakula duniani (World Food Programe) kuamua kwenda kutoa  misaada ya chakula,waasi hawa wa Alshabab wameanzisha mapigano makali dhidi ya mashirika haya,huko mjini Mogadishu.

Mama wakisomali akiwa na mwanae

   Hakika huu ni ukatili wa hali ya juu,licha ya kuona wenzao(ndugu zao) wanasulubika kwa tatizo la njaa bado wameamua kuwazuia kupata chakula hicho. Nahisi lengo lao ni kuwamaliza kabisa.Kwanini waafrika tumekosa utu na huruma kwa wenzetu? Kwa hali hii zoezi la kuwanusuru ndugu zetu wasomali na baa hili la njaa limeingia dosari,hivyo tuzidi kuomba miujiza ili Alshabab wasitishe mapigano na watoto,vijana na wazee wa Somalia wanusurike na njaa inayowakabili.